أسئلتك، بإجابات واضحة

برنامج تشترك فيه شركتك. تربط دفتر ذممك المدينة والدائنة أو ترفعه، والمحرك يرجع لك بتحليل لدفترك أنت وأطرافك أنت: درجة لكل عميل ومورد مع أسبابها، وحالة كل فاتورة بعد الفحص، وسلوك السداد، والتركز، ووش تغيّر من آخر مرة. يسند قرارك، وما ياخذه عنك.

للشركات اللي تبيع أو تشتري بالآجل وتبي تقرأ المخاطر في ذممها المدينة والدائنة، من المنشآت الصغيرة والمتوسطة إلى المجموعات الكبيرة. وللجهات التمويلية اللي تبي تقرأ محفظتها هي، ببيانات يقدمها عملاؤها بموافقتهم.

تقرير المعلومات الائتمانية يقول لك وش بلّغت عنه الجهات التمويلية عن شركة معيّنة. والمحرك يقول لك وش يقوله دفترك أنت عن تعامل هالشركة معك: كيف تدفع، وكم تتأخر، وكم يتركز تعرضك عليها. سؤالين مختلفين. والمحرك مو جهة معلومات ائتمانية، وما يحاول يكون كذا.

كل عميل ومورد ياخذ درجة من 0 إلى 100، ومعها كلمة تفهمها على طول: قوي، أو جيد، أو متوسط، أو ضعيف، أو يحتاج متابعة. وتحتها الأسباب اللي رفعتها أو نزلتها، سطر سطر، عشان أي واحد في فريقك يعرف وش وراها.

لا، وهذا مقصود. المحرك ما يطلع حد ائتماني، ولا نسبة، ولا وافق أو ارفض. يعطيك الدرجة والأسباب والدليل وراها، وفريقك أو لجنة الائتمان عندك هي اللي تقرر بصلاحيتها. التحليل لك، والقرار لفريقك.

قراءة تخصها. لما تتأخر الجهة الحكومية في السداد، هذا غالبا توقيت مرتبط بدورة الاعتماد، مو تعثر. عشان كذا المحرك يقرأ تأخرها توقيت، ويعرض حصتها من دفترك لحالها، وما ينزّل درجتها كأنها شركة ما راح تسدد.

تقارير العملاء والموردين والقطاعات، بالعربي والإنجليزي. تقارير PDF في كل المستويات، وتقارير Excel من المستوى الاحترافي وفوق.

دفتر ذممك المدينة والدائنة: الفواتير، وإشعارات الدائن، والمدفوعات وتواريخها، والطرف المقابل في كل وحدة. وملفات الفاتورة الإلكترونية تضيف فحص الختم. المحرك ما يحتاج بيانات دخول بنكية، ولا وصول لحساباتك.

بياناتك والمعالجة ونسخها الاحتياطية كلها داخل السعودية. وكل عميل معزول عن غيره في قاعدة البيانات، والدخول بالتحقق المتعدد. وصفحة الموثوقية تشرح التفاصيل.

أنت وفريقك اللي تعطيهم صلاحية، وعدد قليل من فريق فكّة يشغّل الخدمة. ودفترك ينقرا لك أنت وحدك: ما يندمج مع بيانات عملاء ثانيين، وما تنبني منه درجة عن شركة ثانية، وما ينباع ولا ينعرض منه شي على أي طرف.

لا. ما يقرأ ملفاتك أي نموذج ذكاء اصطناعي. القراءة بقواعد محددة، والقوائم المالية بصيغة PDF تنقرا بطريقة ثابتة وبمراجعة بشرية.

طبيعي. أطراف مكررة، وأسماء مختلفة لنفس الجهة، ومدفوعات ما تطابق فاتورة. المحرك ما يخفي هذا: فحوص السلامة توريك وش ما قدر يقرأه، واللي ناقص يطلع ناقص، مو مملوء بتخمين.

إيه. لما ترفع ملفات الفاتورة الإلكترونية (XML)، المحرك يفحص الختم وسلسلة التجزئة عندنا، بدون اتصال مباشر مع هيئة الزكاة والضريبة والجمارك. والختم يثبت إن المستند أصلي وتسلسل البائع سليم، لكنه ما يثبت إن الفاتورة ما انقدمت في مكان ثاني.

إيه. دفترك لك، وتقدر تطلعه وقت ما تبي. ولما ينتهي الاشتراك نحذف بياناتك ونعطيك شهادة بالحذف، حسب نظام حماية البيانات الشخصية.

اشتراك حسب الباقة اللي تختارها والمستوى. الباقة تحدد وش تقرأ: الذمم المدينة، أو الدائنة، أو الاثنين، أو الاثنين مع التقييمات الخارجية. والمستوى يحدد حجم شغلك: الأساسية، أو الاحترافية، أو المؤسسية. ولمعرفة التفاصيل تواصل مع الفريق.

فيه موصلات لـ Microsoft Dynamics 365 وOdoo وZoho Books وQuickBooks وXero وSAP Business One، وهي تجريبية اليوم ونتحقق منها مع أول سحب لكل عميل. والموصلات ومجمع البيانات موجودة في كل المستويات. وصفحة التكاملات فيها التفاصيل.

رفع الملف يكفي للبداية: Excel أو CSV أو ملفات الفاتورة الإلكترونية في مجمع البيانات. والموصلات تخلي بياناتك تتحدث بدون ما أحد يصدّر شي. وما فيه طريقة منها تعطي المحرك وصول لبنكك.

إيه. واجهة الإدخال البرمجية متاحة من المستوى الاحترافي وفوق، بمفاتيح محددة الصلاحيات، وأنظمتك ترسل البيانات مباشرة.

في الباقة الرابعة: واثق من وزارة التجارة يعطيك حالة السجل التجاري لأطرافك واسمه وتاريخ انتهائه، باشتراكك أنت في واثق، وهو تجريبي اليوم. وترخيص وزارة الاستثمار للشركات الأجنبية، ومنصة قوائم للقوائم المالية المدققة، قريبا.

إيه. نبدأ بعرض على بيانات شركة تجريبية، تشوف فيه كيف تنقرا الدرجة قبل ما يدخل شي من بياناتك. وبعدها نتفق معك كتابة على تجربة على جزء من دفترك.

برنامج نجهزه، وقريبا يفتح. لو قرأت تحليلك وحبيت تتعرف على جهة تمويلية مرخصة، تطلب أنت ذلك وبموافقتك المكتوبة. فكّة ما تقرض، وما ترتب تمويل، وما تشارك بياناتك بدون موافقتك، والجهة تقرر بصلاحيتها وترخيصها.

شركة تقنية سعودية ذات مسؤولية محدودة مسجلة في الرياض. وسجلها التجاري، ومعه الرقم الوطني الموحد اللي يقدر أي أحد يتحقق منه، في صفحة عن فكّة.

من صفحة الشكاوى. يطلع لك رقم مرجعي لحظة الإرسال، وإقرار بالاستلام خلال يومين عمل، وموعد معلن للرد.