AR
تقييم مخاطر الائتمان للذمم المدينة
فلوسك المستقبلية متمركزة عند مين، ووش المخاطرة فيها؟ مين يسدد في موعده، ومين يزيد تأخره عن السداد، وأي حصة من دفترك معلقة على طرف واحد.
قراراتك على بينة
محرك بيانات إدارة مخاطر الائتمان
بيانات مالية مدروسة، تكشف التعثر قبل لا يوصلك
فواتيرك كثيرة، وعملاؤك أكثر، والصورة مو واضحة، ما تدري من وين ممكن يكون التعرض. المحرك يقرأها فاتورة فاتورة، ويعطيك درجة المخاطر لكل عميل، مع توضيح العوامل المؤثرة فيها. ووقتها تكتمل الصورة، ويكون قرارك على بينة.
وش تشوف داخل المنصة
دفترك كله، كل جهة في مكانها
خمس شاشات تختصر لك القراءة: اللي لك، واللي عليك، وملف كل عميل وكل مورد، وتقارير جاهزة تطلعها بالعربي أو بالإنجليزي.
أرقام توضيحية على شركة تجريبية
اللي لك عند عملائك، ووين متأخر
أعمار ذممك من غير المستحقة إلى أكثر من 420 يوم، وتعرف بنظرة وحدة وين تتركز فلوسك عند أكبر عملائك.
- أعمار الذمم على تسع فترات
- حصة كل عميل من دفترك
- تنبيه لما يطول التأخر
أعمار الذمم المدينة
حصة من الدفتر- غير مستحقة38%
- 1–3022%
- 31–6013%
- 61–909%
- 91–1206%
- 121–1805%
- 181–3603%
- 361–4202%
- أكثر من 4202%
أكبر العملاء
- عميل أ18%
- عميل ب11%
- عميل ج7%
- عميل د5%
- الباقي59%
اللي عليك، لمين، ومتى
استحقاقاتك القادمة مرتبة، ومين من مورّدينك تعتمد عليه أكثر، وكم من فواتيرهم سددتها في موعدها.
- جدول استحقاقات واضح
- تركّز المورّدين
- انتظام سدادك أنت
عميل واحد، وكل قصته
درجة من 0 إلى 100 بكلمة تفهمها على طول، وتحتها الأسباب اللي رفعتها أو نزلتها، واتجاه سداده مع الوقت.
- درجة من 0 إلى 100 مع كلمة
- كل سبب ووش سوّى في الدرجة
- اتجاه السداد مع الوقت
مورد تعتمد عليه، وش وضعه؟
كم تعتمد عليه من مشترياتك، وكم عليك له وبأي عمر، ووش لقى المحرك في فواتيره.
- حصته من مشترياتك
- أعمار اللي عليك له
- ملاحظات الفحص على فواتيره
تقرير جاهز، بالعربي أو بالإنجليزي
طلّع تقرير العملاء أو الموردين أو القطاع أو الدفتر كامل، بصيغة PDF أو Excel، وباللغة اللي يبيها فريقك.
- أربعة تقارير جاهزة
- PDF أو Excel
- عربي أو إنجليزي
المحرك في لمحة
المجموعات مسمّاة، وما نعرض أعداد
فواتير مبعثرة
فواتير من عملاء مختلفين تصل متفرقة، وما تعطيك صورة واضحة.
مدرهم يجمعها
مدرهم هو المحرك: يقرأ الفواتير وكشف الحساب، ويطابق الختم، ويعرف المسجلة مرتين، ويحسب أعمار الديون.
المجموعات
الفواتير تنتظم في مجموعات مسمّاة: السليم ماليا، وما يحتاج مراجعة، وما توثّق وطابق.
قراءة واضحة
تطلع لك قراءة لكل عميل: فواتيره وأعمار ديونها، وأسباب القراءة، وما تغيّر. التحليل يسند قرارك، والقرار يبقى لك.
رسم توضيحي بأسماء العملاء نشرح فيه طريقة القراءة، وما هي حسابات فكّة ولا حسابات أي عميل.
الآلية
كيف يقرأ المحرك دفترك؟ أربع خطوات
من أول ما تربط حساباتك إلى أن تشوف وش تغير، بنفس الترتيب كل مرة، على الذمم المدينة والدائنة.
اربط دفاترك
اربط نظامك المحاسبي، أو ارفع ملف Excel أو CSV. والمحرك يقرأ كل فواتيرك: اللي لك على العملاء، واللي عليك للمورّدين، مو عينة ولا أكبر عشرة بس.
كل فاتورة تنفحص
يتأكد من ختم هيئة الزكاة والضريبة والجمارك وتسلسل الفواتير، وينبهك على أي فاتورة شكلها مكررة في دفترك.
كل طرف ياخذ درجة من 0 إلى 100
كل عميل ومورّد ياخذ درجة، ومعها كلمة تختصرها مثل «جيد» أو «يحتاج متابعة»، وتحتها أسبابها: انتظام السداد، ومدة التعامل، وحصته من دفترك.
تشوف وش تغير، وفريقك يقرر
مع كل تحديث تشوف مين تحسن ومين تراجع وليش، وكل رقم تقدر ترجع لأسبابه.
التحليل لك، والقرار لفريقك.
الدرجة
درجة تقرأها سبب سبب
كل عميل ومورّد ياخذ درجة من 0 إلى 100، ومعها كلمة وحدة تختصرها: قوي، أو جيد، أو متوسط، أو ضعيف، أو يحتاج متابعة. وتحت الدرجة الأسباب اللي رفعتها أو نزلتها، عشان تعرف من وين جت.
مثال توضيحي على عميل مو حقيقي. السبب نفسه يقرأ بنفس الطريقة وين ما ظهر، عشان عميلين عندهم نفس الملاحظة ياخذون نفس القراءة. والدرجة تحليل يسند قرارك، مو حد ائتماني ولا قرار.
الدرجة64/ 100متوسط
- كل فواتيره عليها ختم هيئة الزكاة والضريبة والجماركيرفعها
- يتعامل معك من أكثر من ثلاث سنواتيرفعها
- تأخره عن السداد يزيد ربع بعد ربعينزلها
وفي الملف أسباب ثانية، والقائمة هنا مختصرة.
التمييز
الجهة الحكومية لها قراءة تخصها
لما يكون العميل جهة حكومية، قد يتأخر السداد عن المدة المتفق عليها، لكن التقييم هنا مو إمكانية التحصيل بقدر ما هو توقيت تحصيل المبالغ النقدية.
مو كل تأخير عالي الخطورة
ممكن يتأخر السداد، لكن هذا ما يعني بالضرورة أن التحصيل في خطر. والأداة اللي ما تفرّق بينهما تتحول بياناتها من وسيلة لاتخاذ القرار إلى قراءة ممكن توديك للقرار الغلط.
قراءة المحرك
السداد الحكومي مربوط بدورة الاعتماد، مو بالقدرة على السداد، والمحرك يقرأه بهذا السبب بالذات ويعرض حصة الجهات الحكومية من دفترك على حدة، عشان التوقيت يظهر في مكانه الصحيح بمدة التحصيل مو بإمكانيته.
الحلول
اتجاهين، وقراءة وحدة
الأسباب نفسها والدرجة نفسها، مرة على اللي لك ومرة على اللي عليك.
AP
تقييم مخاطر الائتمان للذمم الدائنة
المخاطرة على مورّدينك: على مين تعتمد، وكم عليك له، ووش يتغيّر في تشغيلك لو تعثر.
لمن
جهتين، والقراءة وحدة
المحرك واحد، والسؤال يختلف، شركة تبي تعرف مخاطرها، وجهة تمويلية تبي تعرف مخاطر عميلها قبل ما تقرر.
للشركات
تعرف مخاطرك: درجة لكل طرف مقابل في دفترك، ومعها الأسباب اللي كوّنتها، مع تحليل يسند قرارك ووش يترتب عليه، فتشوف وين يتركز التعرض بخطة مدروسة مو نتيجة بشكل عشوائي.
للجهات التمويلية
تعرف مخاطر عميلك قبل التمويل: المحرك يقرأ محفظتك أنت، ويعطيك التحليل والشواهد اللي يقوم عليها القرار الائتماني: مستند متحقق منه، وسلوك سداد مقروء، ودرجة مشروحة، والقرار لكم.
وش بعد
تبي تعرف أكثر؟
ثلاث صفحات توضح لك الباقي: وش تشترك فيه، وكيف يرتبط بأنظمتك، ومين شركاؤنا.
- 01الباقات
باقة على قد احتياجك
أربع باقات حسب اللي تبي تقراه: الذمم المدينة، أو الدائنة، أو الاثنين، أو الاثنين مع التقييمات الخارجية. - 02الربط
يرتبط بأنظمتك
أنظمة محاسبية مثل مايكروسوفت داينامكس وأودو وزوهو بوكس، وبيانات السجل التجاري من وزارة التجارة عبر واثق، أو رفع ملف بسيط. - 03قريبا
الشركاء
برنامج نجهزه مع جهات مالية مرخصة. أنت اللي تختار تتعرف عليهم، وما ينتقل شيء من بياناتك إلا بموافقتك المكتوبة.
الخطوة التالية
عرّفنا على دفترك
اترك بياناتك ونرد عليك خلال يومين من أيام العمل، بدون أي التزام، وتقدر توقف الرسائل متى ما تبي.
البيانات
- نلتزم بضوابط الهيئة السعودية للبيانات والذكاء الاصطناعي (سدايا)، وصفحة الموثوقية تعلمك وين تحفظ البيانات اليوم بالضبط
- إشعار خصوصية منشور يوضح ما نجمعه وأين يحفظ اليوم
- دفترك يحلل لك أنت وحدك، وما نجمع دفاتر العملاء في مجموعة واحدة، وما نبني درجة عن شركة من بيانات شركة ثانية.
أسئلة
الأسئلة الشائعة
وش هو محرك بيانات إدارة مخاطر الائتمان؟
محرك يقرأ دفتر ذممك المدينة والدائنة: يتحقق من كل فاتورة، ويعطي كل طرف مقابل درجة، ويوريك من وين جت الدرجة. والمحرك برنامج بالاشتراك: يسند قرارك وما يأخذه عنك.
وش الفرق بين قراءة الذمم المدينة وقراءة الذمم الدائنة؟
في الذمم المدينة نقرأ من يدين لك: عملاؤك وسلوك سدادهم. وفي الذمم الدائنة نقرأ من تدين له: مورّدوك وما التزمت به لهم. والاتجاهان يستخدمان الأسباب نفسها والدرجة نفسها.
وش الفرق بين هذه القراءة وتقرير مكتب المعلومات الائتمانية؟
المحرك يقرأ دفترك أنت: فواتيرك، وأطرافك المقابلين، وسلوك سدادهم، بشواهد تشوفها بنفسك سطرا سطرا. وتقرير مكتب المعلومات الائتمانية شيء ثاني، مبني على سجلات تتبادلها الجهات التمويلية بينها. والاثنان يجاوبان على سؤالين مختلفين.